Muna Samar Da Ingattaccen Takin Zamani Ga Manoman Nijeriya – Dakta Suleiman Fana

Daga Mohammad A. Mohammad

A Kokarinsa na samar da takin zamani mai inganci kuma mai saukin farashi ga dauka in manoman kasar nan, Kamfanin samar da Takin zamani na Alelawa Fertilizer and Chemicals dake jihar Sakkwato A Arewacin Nijeriya, ya yi alkawarin samar da Taki wadatacce ga manoma a fadin kasar nan baki baya.

Kamfanin na Alelawa, ya bada tabbacin cewa zai samar da taki wanda zai zama mai inganci daidai da yanayin kasar noman da ake da ita, bisa farashi mai sauki da kuma inganci tare da wadatar da takin a duk lokacin bukatarsa ta taso zuwa wasu jihohi dake fadin Nijeriya.

A zantarwasa da manema labarai a Hedikwatar Kamfanin dake jihar Sakkwato, Shugaban amfani na Alelawa fertilizer Dakta Suleiman Abubakar Fana, ya bayyana cewa kamfaninsu ya kudiri aniyar samar da takin zamani mai inganci da Nagarta wanda duk manomin da yayi amfani dashi zai samu amfani mai yawa. Dakta Suleiman Fana

Acewarsa kamfaninsu ya samar da aikin yi ga matasa Sama da Guda 200. Yace baya Ga masu Aiki Kai tsaye da kamfanin, hakazalika, akwai masu amfani da kamfanin wadanda suka hada da ‘yan sarin takin da kuma ‘yan talla, wanda mafiyawan wadanda zasu amfani manoma ne, da matasa masu neman sana’a.

Dakta Suleiman Fana, ya ci gaba da cewa “Wannan kamfanin kamar yadda kuke gani ya tanadi kayan aiki na sarrrafa Taki irin na zamani wanda a yanzu haka muna shirin kawo was manyan injuna na zamani.

” Insha Allah ba zamu Bawa shugaba kasa Muhammadu Buhari, Kunya ba wajen samar da takin zamani mai inganci kuma wadatacce ga manoman kasar nan” inji shi

Akan hakan, shugaban na kamfanin Alelawa, ya jinjinawa kokarin gwamnatin tarayya karkashin shugabancin Muhammadu Buhari, akan inganta harkokin noma musamman na samar da shirin samar da Takin zama na gwamnati Wanda ake kira ( Presidential fertilizer Initiatives). Shirin da yake taimakawa manoma da takin zamani mai inganci akan farashi mai sauki.

Yace shirin ya taimaka waje inganta harkokin noma a fadin kasar Nan baki daya.